Жаңалықтар

Серікжан футбол сапарын Талдықорғанда бастады, ол жерде жергілікті футбол мектебінің барлық деңгейінен өтті. 2008 жылы «Жетісудың» бас құрамасы сапында дебютін өткізіп, бірден бапкер сеніміне ие болып, жанкүйерлердің сүйіспеншілігіне бөленді. «Жетісу» сапында алты маусым бойы 175 матч өткізіп, 24 гол соғып, команда көшбасшыларының біріне айналды.
2014 жылы Серікжан «Астана» ФК қатарына қосылып, Қазақстан чемпионы атанып, еуропалық додаларда өнер көрсетті. «Қайсар» мен «Тобылда» да ойнап, өзінің жоғары деңгейін, тәжірибесін көрсетті. Қазақстан құрамасы сапында 26 кездесу өткізіп, туған жерге деген адалдығын көрсетті.
Енді ҚПЛ-дағы 100 үздік бомбардирдің бірі болып табылатын ойыншы өз клубына жаңа табыстарға жетуге көмектесу үшін «Жетісуға» оралды. Ол өзінің өнерімен және мінезімен жанкүйерлерін қуанту үшін барын салуға уәде береді. Оған сәттілік тілейік!